በርክክብ ሥነ ሥርዓቱ ላይ የተገኙ የጤና ሚኒስቴር ሚኒስትር ዶ/ር ሊያ ታደሰ የኮሪያ መንግሥት በተለያዩ ሥራዎች የጤና ሴክተሩን እንደሚያግዝ ተናግረው ይበልጥ በእናቶችና ህፃናት ጤና፣ በጤና መድህን አገልግሎት፣ የህክምና ባለሙያዎች ስልጠና፣ የህክምና ቁሳቁስ ጥገና እና ኮቪድ-19ን መከላከልና መቆጣጠር እንዲሁም የፅኑ ህሙማን ህክምና መሣሪያዎች ላይ ያደረጉትን ድጋፍ አንስተዋል፡፡
የተደረገው ድጋፍ የኮቪድ-19ን ለመከላከልና ለመቆጣጠር ጠቀሜታ የጎላ እንደሆነ ዶ/ር ሊያ ታደሰ የተናገሩ ሲሆን ይህ ድጋፍ የሁለቱ ሃገራት ጥብቅ ግንኙነት ያሳያል ብለዋል፡፡
የኮፍ /KoFIH / ግብረ ሰናይ ድርጅት ፕሬዘዳንት ኘ/ር ቺያግ ዩፐ ኪም የኢትዮጵያ እና የደቡብ ኮሪያ ግንኙነት ረጅም አመታት ያስመዘገበ መሆኑን አውስተው የኮቪድ-19 የዲያግኖስቲክ ላብራቶሪ ቁሳቁሶችን ድጋፍ በተጨማሪ የመጀመሪያ ደረጃ ጤና ሥርዓት ማጠናከር ላይ በትኩረት እንደሚሠሩ ተናግረዋል፡፡
የኮሪያ መንግስት እና በኮፍ /KoFIH / የጤና ሰርዓትን አንዲጠናከር ፤ የወረርሽን ዝግጅትና ምላሽ እና የመጀመሪያ ደረጃ ህክምና አገልግሎት ማጠናከር እንዲሁም የስፔሻሊቲ እና ሰብ-ስፔሻሊት ህክምና ትምህርት ለኢትዮጵያዊያን እንዲያመቻቹ ዶ/ር ሊያ ታደሰ ጠይቀዋል፡፡
የኮቪድ-19 የዲያግኖስቲክ ላብራቶሪ ቁሳቁስ ድጋፍ ርክክብ የተደረገ ሲሆን የኮሪያ መንግስት ላደረገው ድጋፍ የምስጋና ደብዳቤ በጤና ሚኒስቴር ሚኒስትር ዶ/ር ሊያ ታደሰ ተበርክቷል፡፡