ERMP Sponsorship Format

ውል ለመያዝ መሟላት ያለባቸው ቅድመ ሁኔታዎች

  1. የትምህርት እድል ተጠቃሚው የውል ቅፁን በ 4/አራት/ ኮፒ አዘጋጅቶ መቅረብ አለበት፡፡ የውል ቅፁን ለማግኘት ሊንክ ይጫኑ (here)
  2. የትምህርት እድል ተጠቃሚው የታደሰ የቀበሌ መታወቂያ ወይም የግብር ከፋይነት መታወቂያ ወይም ፓስፖርት በ 4/አራት/ ኮፒ መቅረብ አለበት፡፡
  3. የትምህርት እድል ተጠቃሚው ያገባ ከሆነ፡-
    1. የጋብቻ የምስክር ወረቀት በ 4/አራት/ ኮፒ ማቅረብ አለበት፤
    2. የትምህርት እድል ተጠቃሚው ባለቤት የታደሰ የቀበሌ መታወቂያ ወይም የግብር ከፋይነት መታወቂያ ወይም ፓስፖርት በ 4/አራት/ ኮፒ ይዞ በመቀረብ በውሉ ላይ መፈረም አለበት፡፡
  4. የትምህርት እድል ተጠቃሚው ያላገባ ከሆነ አለማግባቱን የሚረጋግጥ የምስክር ወረቀት በ 4/አራት/ ኮፒ ማቅረብ አለበት፡፡
  5. የትምህርት እድል ተጠቃሚው የንብረት፣ የገንዘብ ወይም የሰው ዋስትና ማቅረብ አለበት፡፡
  6. የትምህርት እድል ተጠቃሚው የራሱን ንብረት ዋስትና የሚያቀርብ ከሆነ የንብረት ባለቤትነቱን የሚያሳይ የቤት ካርታ ወይም ሊብሬ ማቅረብና ማስያዝ እንዲሁም የትዳር አጋሩ ቀርበው ፍቃደኝነታቸውን በፊርማቸው ማረጋገጥ ይኖርባቸዋል፡፡
  7. የትምህርት እድል ተጠቃሚው የሚያስይዘው ንብረት ባለቤት ካልሆነ የንብረቱ ባለቤት ቀርቦ መፈረምና ካርታውን ወይም ሊብሬውን ማስያዝ እንዲሁም የትዳር አጋሩ ቀርበው ፍቃደኝነታቸውን በፊርማቸው ማረጋገጥ ይኖርባቸዋል፡፡
  8. ዋሶች ከሚሰሩበት መስሪያ ቤት የተጻፈ የዋስትና ደብዳቤ ኦሪጂናልና 3/ሶስት/ ኮፒ ማቅረብ ይኖርበታል፡፡ 
  9. ማቅረብ የሚቻለው የዋስትና ዓይነቶች
    1. የሰው ዋስ ከሆነ የደምወዝ መጠናቸው 10,000 ብር (አስር ሺ ብር) እና ከዚያ በላይ የሆኑ ሁለት ዋሶችን ማቅረብ አለበት፤
    2. የማይንቀሳቀስ ንብረት ዋስትና ከሆነ ንብረቱ ባለበት ቦታ በሚገኝ ስልጣን ባለዉ አካል ታግዶ የእግድ ሰነዱ ለሚኒስቴር መ/ቤቱ መቅረብ ይኖርበታል፡፡የንብረትቱ ዋጋ መጠን ከዉሉ የገንዘብ መጠን ጋር እኩል ወይም የበለጠ መሆን አለበት፤
    3. የልዩ ተንቀሳቃሽ ንብረት ዋስትና ከሆነ ንብረቱ ስልጣን ባለዉ አካል ታግዶ የእግድ ሰነዱ ለሚኒስቴር መ/ቤቱ መቅረብ ይኖርበታል፡፡ተንቀሳቃሽ ንብረት ግምታዊ ዋጋ ከዉሉ የገንዘብ መጠን ጋር እኩል ወይም የበለጠ መሆን አለበት፤
    4. የውሉ የገንዘብ መጠን በዝግ አካዉንት ሆኖ በዋስትና የሚቀርብ ከሆነ የትምህርት ዕድል ተጠቃሚዉ በሚኒስቴር መ/ቤቱ ስም በዝግ አካዉንት ገንዘብ ማስቀመጥ አለበት፡፡በዝግ አካዉንት የሚቀመጠዉ የገንዘብ መጠን ከዉሉ የገንዘብ መጠን ጋር እኩል ወይም የበለጠ መሆን አለበት፡፡
  10. በተራ ቁጥር 9.1 የሚቀርቡት ዋሶች ያገቡ ከሆነ፡-
    1. የጋብቻ የምስክር ወረቀት በ 4 /አራት/ ኮፒ ማቅረብ ይኖርባቸዋል፤
    2. ዋስ እና የዋስ ባለቤት የታደሰ የቀበሌ መታወቂያ ወይም የግብር ከፋይነት መታወቂያ ወይም ፓስፖርት በ 4/አራት/ ኮፒ ይዘው በመቀረብ በውሉ ላይ መፈረም ይኖርባቸዋል፡፡
  11. በተራ ቁጥር 9.1 የሚቀርቡት ዋሶች ያላገቡ ከሆነ አለማግባታቸውን የሚያረጋግጥ ማስረጃ በ 4/አራት/ ኮፒ ማቅረብ ይኖርባቸዋል፡፡

 ማሳሰቢያ

  • ለዚህ ውል አስፈላጊ ናቸው ተብለው ከላይ የተገለፁ ማስረጃዎችን ትክክለኝነት ለማመሳከርና ለማረጋገጥ የማስረጃዎቹ ኦሪጂናል አብሮ መቅረብ ይኖርበታል፡፡
  • የትምህርት እድል ተጠቃሚ የሆነ ግለሰብ ለሌላ የትምህርት እድል ተጠቃሚ ዋስ መሆን አይችልም፡፡
  • የትምህርት እድል ተጠቃሚ ባለቤት ዋስ ለመሆን አይችልም፡፡
  • የአንድ ዋስ ባለቤት ባለቤቱ ዋስ ለሆነለት የትምህርት እድል ተጠቃሚ ዋስ መሆን አይችልም፡፡
     

Time Table