More than 16 million birr worth of medicines and medical supplies have been distributed to health facilities in Tigray Region

Submitted by admins on Tue, 12/22/2020 - 20:40

The Ministry of Health has distributed over 16 million birr worth of medicines and medical equipment to various health facilities in Tigray region through the Ethiopian Pharmaceutical Supply Agency. The medicines and medical supplies were delivered to hospitals and health centers in Mekelle, Adigrat and Shire towns,transported by  a total of 9 trucks .
 
Distributed medicines include basic life-saving medicines for emergency, kidney, high blood pressure, diabetes and maternal and child health.

ከ16 ሚሊዮን ብር በላይ ወጪ የተደረገባቸው መድኃኒቶችና የሕክምና መገልገያዎች በትግራይ ክልል ለሚገኙ ጤና ተቋማት ተሰራጭተዋል

Submitted by admins on Tue, 12/22/2020 - 20:30

ጤና ሚኒስቴር ባለፉት ሁለት ሳምንታት ከ16 ሚሊዮን ብር በላይ ወጪ የተደረገባቸው የተለያዩ መድኃኒቶችና የሕክምና መገልገያዎች  በትግራይ ክልል ለሚገኙ ለተለያዩ ጤና ተቋማት በኢትዮጵያ መድሃኒት አቅራቢ ኤጀንሲ በኩል  ያሰራጨ ሲሆን መድኃኒቶቹና የሕክምና መገልገያዎቹ በመቀሌ፣ በአዲግራትና ሽሬ ከተሞች ለሚገኙ ሆስፒታሎችና ጤና ጣቢያዎች  ለእያንዳንዳቸው 3 በአጠቃላይ 9 መድኃኒት የጫኑ ተሸከርከሪዎችን በማጓጓዝ እንዲደርሳቸው ተደርገዋል። 
 
ከተሰራጩ መድኃኒቶች መካከል መሰረታዊ ህይወት አድን መድኃኒቶችን ጨምሮ ለድንገተኛ፣ ለኩላሊት፣ ለደም ግፊት፣ ለስኳር ሕሙማን እንዲሁም ለእናቶችና ህጻናት ጤና አገልግሎት የሚውሉ ይገኙበታል።

ከዚህ ቀደምም ለምዕራብና ደቡባዊ ትግራይ ዞኖች ዳንሻ፣ ሁመራ፣ ራያ፣ አላማጣ እና ሌሎች አካባቢዎች በአማራና አፋር ክልል የሚገኙ የኤጀንሲው 3 ቅርንጫፎች በኩል የሚያስፈልጉ መድኃኒቶች እና የህክምና ቁሳቁሶች ተሰራጭተዋል።

በጤናው ዘርፍ የላቀ አስተዋጽኦ ላበረከቱ ባለሙያዎችና አመራሮች እውቅና ተሰጣቸው

Submitted by admins on Wed, 11/04/2020 - 16:05

የጤና ሚኒስቴር ባለፉት ዓመታት በተካሄዱ ዓመታዊ የጤናው ዘርፍ ጉባኤዎች በሴክተሩ በህይወት ዘመን የላቀ የሙያ አገልግሎት፣ በሙያ መስክ የላቀ ልዩ ስራና አገልግሎት እንዲሁም በተለያዩ የስራ ሃላፊነቶች የላቀ አገልግሎት ላለቸው ባለሙያዎችና አመራሮች እውቅና እየሰጠ መምጣቱ ይታወቃል፡፡


በአዲስ አበባ ሸራተን ሆቴል በሚካሄደው የዘንድሮው 22ኛው ዓመታዊ የጤናው ዘርፍ ጉባኤ ላይም በጤናው ዘርፍ የላቀ አስተዋጽኦ ላበረከቱ ባለሙያዎችና አመራሮች እውቅናና ሽልማት ተሰጥቷቸዋል፡፡


በዚህም መሰረት ዶ/ር መኮንን አይችሉህም፣ አቶ ደምሴ ደኔቦ እና ዶ/ር ከይረዲን ረዲ በህይወት ዘመን የላቀ የሙያ አገልግሎት፣ አቶ በሃይሉ ታደሰ፣ ዶ/ር ከፍያለው ታዬ እና አቶ አለማየሁ ግርማ በሙያ መስክ የላቀ ስራና አገልግሎት እንዲሁም በተለያዩ የስራ ሃላፊነቶች የላቀ አመራርነት ደግሞ ወ/ሮ ኑሪያ የሱፍ፣ ዶ/ር ይገረሙ ከበደ እና ዶ/ር ሻሎ ዳባ የዕውቅናና ሽልማት ተሰጥቷቸዋል፡፡

"ለድንገተኛ የህብረተሰብ ጤና አደጋዎች ጠንካራ ምላሽ፤ የማይበገር የጤና ስርዓትን መገንባት ተጠናክሮ ይቀጥላል፡፡" የጤና ሚኒስትር ዶ/ር ሊያ ታደሰ 

Submitted by admins on Wed, 11/04/2020 - 16:02

በአዲስ አበባ በመካሄድ ላይ ባለው 22ኛው ዓመታዊ የጤናው ዘርፍ ጉባኤና የአምስተኛው ዓመት የጤናው ዘርፍ ትራንስፎርሜሽን ዕቅድ ግምገማን በይፋ የከፈቱት የጤና ሚኒስትር ዶ/ር ሊያ ታደሰ እንደተናገሩት ባለፉት አምስት ዓመታት የመጀመሪያው የጤናው ዘርፍ ትራንስፎርሜሽን ዕቅድ ሲተገበር መቆየቱን ጠቅሰው የዕቅዱ ትግበራ ውጤታማነትንም ለመገምገም በተካሄዱ ጥናቶችና ዳሰሳዎች የተቀመጡ ግቦችን ሙሉ በሙሉ ማሳካት ባይቻልም ሃገሪቱ በዕቅድ ዘመኑ ያጋጠሟትን ተግዳሮቶች በመቋቋም በጤናው ዘርፍ ወደታለመው የልማት ግብ ለመድረስ ውጤታማ ስራ መሰራቱንና በትክክለኛ አቅጣጫ ላይ መሆኑን አስታውቀዋል፡፡

Tags

"እኔ እጄን በአግባቡ እታጠባለሁ ሕይወትም አድናለሁ!" በሚል መሪ ቃል ለአንድ ወር የሚቆይ እጅ የመታጠብ ንቅናቄ በይፋ ተጀመረ።

Submitted by admins on Fri, 10/16/2020 - 09:59

ለአንድ ወር የሚቆየው እጅ የመታጠብ ንቅናቄ ውጤታማ እንዲሆን ሁሉም ሰው እጁን በአግባቡ በመታጠብ ኃላፊነቱን ሊወጣ እንደሚገባ የጤና ሚኒስትር ዶ/ር ሊያ ታደሰ ንቅናቄውን በይፋ ባስጀመሩበት ወቅት ተናግረዋል፡፡ እጅን መታጠብ የሚያስገኘውን የጤና ጠቀሜታ በመረዳት ከእጅ ንጽህና ጉድለት የተነሳ ከሚመጡ በሽታዎች እራሳችንን መከላከል ይጠበቅብናል ያሉ ሲሆን በይበልጥ በኮቪድ-19 ወረርሽኝ ወቅት እጅን በአግባቡ መታጠብ የበሽታውን ስርጭት ለመግታት እና ለመከላከል የሚኖረውን ጠቀሜታ በመረዳት የአለም ጤና ድርጅት በሚመክረው መንገድ ለሃያ ሰከንድ እጅን በሳሙና በአግባቡ መታጠብ እንደሚገባ ጠቁመዋል፡፡