የአርማውር ሐንሰን የምርምር ኢንስቲትዩት ከባለድርሻ አካላት ጋር በመሆን መድሐኒቱን የተላመደ ቲቢ በሽታን በአጭር ጊዜ የሚያድን ጥናት አጠናክሮ መቀጠሉን  ይፋ አደረገ፡፡

መድሀኒት የተላመደ ቲቢ ህክምና ከ18 እስከ 24 ወራትን  የሚወስድ  ሲሆን በአርማውር ሐንሰን የምርምር  ኢንስቲትዩት እየተሞከረ ያለው ጥናት ግን 6 ወር ብቻ ነው ህክምና የሚሰጠው ብለዋል የኢንስቲትዩቱ ዋና ዳይሬክትር ዶክተር ታዬ ቶሌራ  አያይዘውም እስካሁን ያለው ውጤት የጥናቱን ተስፋ ሰጪነት ያሳይል ብለዋል፡፡

ጥናቱ እንደተጠናቀቀ የአለም የጤና ድርጅት የአዲሱን ጥናት ውጤት በሁሉም አገራት ተግባራዊ  ያደርገዋል ተብሎም ይጠበቃል፡፡ ይህ ስራ ኢትዮጵያ መድሀኒቱን  የተላመደ ቲቢ ህክምና ለአለም አቀፍ ማህበረሰብ የምታበረክተው ምርጥ የምርምር ውጤት ይሆናል ተብሏል፡፡ ኢንስቲትዩቱ የቲቢ በሽታን ብቻ ሳይሆን የሌሎችንም ህመሞች ክትባት ለመስራት በእንቅስቃሴ ላይ ነው፡፡

በወረርሽኝ መልክ  ሊነሱ  የሚችሉ በሽታዎችን እየተከታተለ ክትባት  የሚሰራና ወረርሽኞች ሲነሱ በቁጥጥር ስር ለማዋል የተቋቋመው አለም አቀፍ ድርጅት ሴፔ ለመጀመሪያ ጊዜ የቦርድ ስብሰባውን  በአዲስ አበባ ያካሄደ ሲሆን የቦርድ አባላቱም የአርማወር ሐንሰን የምርምር ተቋምን ጎብኝተዋል፡፡  

የጤና ጥበቃ ሚኒስቴር ሚንስትር ፕሮፌሰር ይፍሩ ብርሃን ለሴፔ (CEPI) የቦርድ አባላት ኢትዮጵያ በሽታን በመከላከል እንዲሁም ደግሞ ወረርሽኝ ከተከሰተ በኋላ በመቆጣጠር ረገድ ያደረገችው ተሞክሮንና የኢትዮጵያን የጤና ኤክስቴሽን ፕሮግራም ትግበራን በዝርዝር አቅርብዋል፡፡

የአርማወር ሐንሰን የምርምር ተቋም  ከሴፔ (CEPI) የቦርድ አባላት ጋር በተለያዩ ምርምሮች ላይ   ለመስራት ከስምምነት ላይ የደረሱ ሲሆን ሴፔ (CEPI) ለአርማወር ሐንሰን የምርምር ተቋም የቴክኒክና የገንዘብ ድጋፍ ያደርጋል ተብሎ ይጠበቃል፡፡    

 

ዜና ማህደር ዜና ማህደር