የአርማወር ሐንሰን የምርምር ኢንስቲትዩት የሚዲያና ኮሙኒኬን ባለሙያዎች የጋራ ፎረም መሰረተ

የአርማወር ሐንሰን የምርምር ኢንስቲትዩት የሚዲያና ኮሙኒኬን ባለሙያዎች የጋራ ፎረም መሰረተ

የአርማወር ሐንሰን የምርምር ኢንስቲትዩት በኖርዌይ እና ስዊድን መንግስት ድጋፍና በኢትዮጵያ መንግስት ትብብር በ1955 ዓ.ም የተመሰረተ አንጋፋ ተቋም ሲሆን በወቅቱ የስጋ ደዌ በሽታን ለማከምና ለመከላከል የሚያስችል ዕውቀት ማዳበርን ዋናትኩረቱ አድርጎ የተቋቋመ ተቀም ነው፡፡

አርማወር ሐንሰን የምርምር ተቋም አሁን ላይ ስድስት ዳይሬክቶሬቶች ያሉት ሲሆን የተለያዩ በሽታዎች እና በሽታ አምጪዎች ላይ ምርምሮችን የማድረግ ተልእኮን ይዞ ከ2008 ዓ.ም የካቲት ወር ጀምሮ በጤና ጥበቃ ሚኒስቴር ስር እንደ አዲስ የተቋቋመ ኢንስቲትዩት ነው፡፡

በአርማወር ሐንሰን የምርምር ኢንስትቲዩት የልማትና አስተዳደር ተጠባባቂ ዳይሬክተር ጀነራል የሆኑት ዶ/ር ዙፋን አበራ በፎረም ምስረታው ላይ ተገኝተው እንደተናገሩት ተቋሙ የምርምር አድማሱን በማስፋት በቤተሙከራና ከቤተሙከራ ውጭ የምርምር ስራዎችን በማከናወን እንዲሁም አዳዲስና አዋጭ ዘዴዎችንና አሰራሮችን በመፍጠርና የምርምር ውጤቶችን በማሻሻል ህብረተሰቡ የተሻለ የህክምና አገልግሎት እንዲያገኝ የበኩሉን አስተዋፅኦ እያበረከተ ይገኛል ብለዋል፡፡

ሚዲያና የሚዲያ ባለሙያዎች ኢንስቲትዩቱ የሚሰራቸውን ጥናትና ምርምሮች እንዲሁም በጤና ላይ ያለውን ሀገራዊ ፋይዳ ለማስተዋወቅ የማይተካ ሚና ስላላቸው ይህ መድረክ ወደ ፊት በቅንጅት ለመስራ ትየሚያስችል ሁኔታን ለመፍጠር የተዘጋጀ መሆኑን ዶ/ር ዙፋን ጨምረው ተናግረዋል፡፡

የኢንስቲትዩቱ የህዝብ ግንኙነትና ኮሙኒኬሽን ዳይሬክቶሬት ዳይሬክተር የሆኑት ወ/ት ደጅይጥኑ ሙላው እንደተናገሩት ኢንስቲትዩቱ ትልቅ የሆነ አገራዊ ተልእኮ ይዞ የምንቀሳቀስ ቢሆንም በሚጠበቀው ልክ በህብረተሰቡ ዘንድ አልታወቀም ብለዋል፡፡ በመሆኑም ክፈተቱን ለመቅረፍ በቀጣይነት ከሚዲያ ተቋማትና ኮሙኒኬሽን ባለሙያዎች ጋር በቅርበት ይሰራል ብለዋል፡፡

 


ዜና ማህደር ዜና ማህደር