የኮሮና ወረርሽኝን ለመከላከል በማህበረሰቡ ዘንድ የሚደረገው ጥንቃቄ ትኩረት ሊሰጠው ይገባል- የጤና ሚኒስትር ዶ/ር ሊያ ታደሰ

Submitted by admin on Wed, 07/08/2020 - 10:58

የጤና ሚኒስትሯ ዶ/ር ሊያ ታደስ አለማቀፍዊ እና ሀገራዊ ስጋት የሆነው የኮሮና ወረርሽኝን አስመልክቶ ለጋዜጠኞች በሰጡት መግለጫ እንዳስታወቁት በዓለም አቀፍ፣ በአፍሪካ እና በሀገር አቀፍ ደረጃ ወረርሽኙ በስፋት እየተሰራጨ፤ አሁን ያለበትም ደረጃ አሳሳቢ መሆኑን ገልጸው የሚደረገው ጥንቃቄ ከወትሮው ይበልጥ ትኩረት ሊሰጠው እንደሚገባ ተናገረዋል፡፡


በአጠቃላይ እስካሁን የላብራቶሪ ምርመራ ከተደገላቸው 266,323 ሰዎች ውስጥ 6,666 ሰዎች ቫይረሱ የተገኝባቸው ሲሆን ከእነዚህም መካከል 3,199 ሰዎች ማለትም 47 በመቶ ማገገማቸውን ሚኒስትሯ አስታውቀዋል፡፡ 

በሀገር አቀፍ ደረጃ የኩፍኝ በሽታ መከላከያ ክትባት እየተሰጠ መሆኑ ተገለጸ 

Submitted by admin on Wed, 07/08/2020 - 10:31

ኢትዮጵያ የኩፍኝ በሽታን ለመከላከል ብሎም የህብረተሰብ የጤና ችግር የማይሆንበት ደረጃ ላይ ለማድረስ በመደበኛ ክትባት በ9 ወር ዕድሜያቸው ከሚሰጣቸው የመጀመሪያ የኩፍኝ በሽታ መከላከያ ክትባት በተጨማሪ ከ2011 ዓ.ም ጀምሮ ህጻናት እድሜያቸው 1 ዓመት ከ3 ወር ሲሞላቸው የ2ኛውን ዶዝ የኩፍኝ በሽታ መከላከያ ክትባት እንዲወስዱ በመደበኛ የክትባት መርሃ-ግብር ተካቶ በመሰጠት ላይ እንደሚገኝ የጤና ሚኒስትሯ ዶ/ር ሊያ ታደሰ አስታውቀዋል ፡፡ 


ዶ/ር ሊያ አክለውም በሀገራችን በሁለት እና ሶስት ዓመታት ልዩነት የኩፍኝ በሽታ መከላከያ ክትባት ዘመቻዎች በተለያየ ግዜ ሲሰጥ መቆየቱን ጠቅሰው በዘንድሮውም አመት ከሰኔ 23/2012 ዓ/ም ጀምሮ በሁሉም ክልሎች እና ከተማ አስተዳደሮች ክትባቱ በዘመቻ መልክ እየተሰጠ እንደሚገኝ ገልጸው በዘመቻውም እድሜያቸው ከ9 ወር እስከ 5 አመት ያሉ ህፃናት ከአሁን በፊት ክትባቱን ቢከተቡም ባይከተቡም ክትባቱ እየተሰጣቸው  መሆኑን ተናግረዋል፡፡ 

በአገራችን የኮሮና ቫይረስ መገኘቱ ሪፖረት ከተደረገ ጀምሮ (መጋቢት 4 2012) የኮሮና ቫይረስ /ኮቪድ 19/ በሽታን ለመከላከልና ለመቆጣጠር የተከናወኑ ስራዎች ውጤታማ እንደነበሩ ተገለፀ፡፡

Submitted by admin on Tue, 06/23/2020 - 16:41

በአገራችን የኮሮና ቫይረስ መገኘቱ ሪፖረት ከተደረገ ጀምሮ (መጋቢት 4 2012) የኮሮና ቫይረስ /ኮቪድ 19/ በሽታን ለመከላከልና ለመቆጣጠር የተከናወኑ ስራዎች ውጤታማ እንደነበሩ ተገለፀ፡፡
 

በጤና ሚኒስቴር የህዝብ ግንኙነትና ኮሚዩኒኬሽን ዳይሬክቶሬት ዳይሬክተር ዶ/ር ተገኔ ረጋሳ በሰጡት ጋዜጣዊ መግጫ እንደገለጹት ኮሮና ቫይረስን በአገር አቀፍ ደረጃ ለመከላከልና ለመቆጣጠር በፌደራል፣ በየክልሎችና በየተቋማቱ ያሉትን አደረጃጀቶችና ተቋማት ዓቅም ለማጠናከርና ለመደገፍ ትኩረት ተሰጥቶ እየተሰራ ነው ብለዋል፡፡

እንደ ዳይሬክተሩ ገለጻ መንግስት የችግሩን ጥልቀት አስቀድሞ በመገንዘብ የተለያዩ አደረጃጀቶችን ሚኒስቴር መስርያ ቤቶችን ጭምር በማደራጀት የሚመለከታቸው ባለድርሻ አካላት በማሳተፍ በሙሉ ዓቅሙ እየሰራ ነው ሲሉም ተናግረዋል፡፡

መደበኛ የጤና አገልግሎቶች በነበሩበት ተጠናክረው ሊቀጥሉ እንደሚገባ ተገለፀ

Submitted by admin on Fri, 04/24/2020 - 12:01

የኮቪድ-19ን ወረርሽኝን ምክንያት በማድረግ አንድ አንድ የጤና ተቋማት አገልግሎት ማቆማቸው በመደበኛው የጤና አገልግሎቶች ላይ መስተጓጎል እንዳስከተለ የጤና ሚኒስቴር ሚኒስትር ደኤታ ዶ/ር ደረጀ ዱጉማ ዛሬ በሰጡት ጋዜጣዊ መግለጫ አስታውቀዋል፡፡

ለኮሮና ቫይረስ የህክምና አገልግሎት ለመስጠት ከተለዩት የጤና ተቋማት ዉጪ ሁሉም የጤና ተቋማት እንደተለመደው መደበኛዉን የጤና አገልግሎት መስጠት እንዳለባቸው አሳስበዋል፡፡

ዶ/ር ደረጀ አያይዘውም በተለይ በእናቶች እና ህፃናት ጤና አገልግሎት፣ ተላላፊ እና ተላላፊ ባልሆኑ በሽታዎች ህክምና ላይ መደበኛ አገልግሎት መስጠታቸውን የሚከታተል ግብረ ሀይል ከፌደራል እስከ ወረዳ ድረስ ተቋቁሞ ወደ ስራ ተገብቷል ብለዋል፡፡

በኮሮና ቫይረስ ወረርሽኝ ስጋት ምክንያት የህክምና ተቋሞቻቸውን የዘጉ የግል ጤና ተቋማት እንዳሉም የተደረሰበት ሲሆን ተግባራቸው ትክክል እንዳልሆነ እና በፍጥነት ሁሉም ለአገልግሎት ክፍት እንዲሆኑ ይደረጋል።

የበጎ ፍቃድ አገልግሎት ላይ ለመሰማራት ለተመዘገባችው ጤና ባለሙያዎች በመሉ!

Submitted by admin on Sun, 04/05/2020 - 11:18

የCOVID-19 ወረርሺኝን ለመግታት መጋቢት 24/2012 ዓ.ም በጤና ሚኒስቴር ድህረ- ገጽ ላይ በወጣው
ማስታወቂያ የተመዘገባችሁ ባለሙያዎችን ወደ ስራ ለማሰማራት በቅድሚያ ከስራው ጋር የተያያዘ እውቀት፣ ክህሎት
ብሎም አመለካከት ለማሳደግ ከዚህ በታች በተመለከተው መሰረት በonline course እንድትወሰዱ እያሳሰብን
ስልጠናውን እንደጨረሳችሁ ማጠናቀቃችሁን የሚገልጽ ማረጋገጫ የምስክር ወረቀት ከሲስተሙ ፕሪንት በማድረግ
እንድትወስዱ በትህትና እንጠይቃለን፡፡

ወደ covid19-IPC Online course ለመግባት በሚከተለው አድራሻ (ሊንክ) ይጠቀሙ