መደበኛ የጤና አገልግሎቶች በነበሩበት ተጠናክረው ሊቀጥሉ እንደሚገባ ተገለፀ

Submitted by admin on Fri, 04/24/2020 - 12:01

የኮቪድ-19ን ወረርሽኝን ምክንያት በማድረግ አንድ አንድ የጤና ተቋማት አገልግሎት ማቆማቸው በመደበኛው የጤና አገልግሎቶች ላይ መስተጓጎል እንዳስከተለ የጤና ሚኒስቴር ሚኒስትር ደኤታ ዶ/ር ደረጀ ዱጉማ ዛሬ በሰጡት ጋዜጣዊ መግለጫ አስታውቀዋል፡፡

ለኮሮና ቫይረስ የህክምና አገልግሎት ለመስጠት ከተለዩት የጤና ተቋማት ዉጪ ሁሉም የጤና ተቋማት እንደተለመደው መደበኛዉን የጤና አገልግሎት መስጠት እንዳለባቸው አሳስበዋል፡፡

ዶ/ር ደረጀ አያይዘውም በተለይ በእናቶች እና ህፃናት ጤና አገልግሎት፣ ተላላፊ እና ተላላፊ ባልሆኑ በሽታዎች ህክምና ላይ መደበኛ አገልግሎት መስጠታቸውን የሚከታተል ግብረ ሀይል ከፌደራል እስከ ወረዳ ድረስ ተቋቁሞ ወደ ስራ ተገብቷል ብለዋል፡፡

በኮሮና ቫይረስ ወረርሽኝ ስጋት ምክንያት የህክምና ተቋሞቻቸውን የዘጉ የግል ጤና ተቋማት እንዳሉም የተደረሰበት ሲሆን ተግባራቸው ትክክል እንዳልሆነ እና በፍጥነት ሁሉም ለአገልግሎት ክፍት እንዲሆኑ ይደረጋል።

የበጎ ፍቃድ አገልግሎት ላይ ለመሰማራት ለተመዘገባችው ጤና ባለሙያዎች በመሉ!

Submitted by admin on Sun, 04/05/2020 - 11:18

የCOVID-19 ወረርሺኝን ለመግታት መጋቢት 24/2012 ዓ.ም በጤና ሚኒስቴር ድህረ- ገጽ ላይ በወጣው
ማስታወቂያ የተመዘገባችሁ ባለሙያዎችን ወደ ስራ ለማሰማራት በቅድሚያ ከስራው ጋር የተያያዘ እውቀት፣ ክህሎት
ብሎም አመለካከት ለማሳደግ ከዚህ በታች በተመለከተው መሰረት በonline course እንድትወሰዱ እያሳሰብን
ስልጠናውን እንደጨረሳችሁ ማጠናቀቃችሁን የሚገልጽ ማረጋገጫ የምስክር ወረቀት ከሲስተሙ ፕሪንት በማድረግ
እንድትወስዱ በትህትና እንጠይቃለን፡፡

ወደ covid19-IPC Online course ለመግባት በሚከተለው አድራሻ (ሊንክ) ይጠቀሙ

ለጤና ባለሙያዎች ለCOVID-19 ወረርሽ ለመከላከል የቀረበ ጥሪ

Submitted by admin on Tue, 03/31/2020 - 17:38

በዓለም ላይ በተከሰተው የኮሮና ቫይረስ ወረርሽኝ ምክንያት ሀገራችን ውስጥ መከሰቱም ይታዎቃል፡፡ በመንግሥትና በበጎ ፍቃደኛ ሰዎች ወረርሽኙን ለመቆጣጠጠር ከፍተኛ ጥረት እየተደረገ ሲሆን ወደፊት የወረርሽኙ ሁኔታ እየከፋ ከመጣ በርካታ የበጎ ፍቃድ ባለሙያዎችን ማሰማራት ስለሚጠይቅ፤

  1. በጤና ሙያ ተመርቃችሁ ወደ ሥራ ያልተሰማራችሁ
  2. መንግሥታዊ ባልሆኑ ተቋማት የምትሰሩ የጤና ባለሙያዎች
  3. በጡረታና በተለያዩ ምክንያቶች ከሥራ የተገለላችሁ የጤና ባለሙዎች (ለመደበኛ አገልግሎት)
  4. የከፍተኛ ትምህርት ተቋማት መምህራን
  5. የጤና ተማሪዎች (በመንግስትና በግል)

ከመጋቢት 24 ቀን 2012 ጀምሮ ከዚህ በታች በተገለፀው የጤና ሚኒስቴር ድረ-ገፅ እንድትመዘገቡ ሀገራዊ ጥሪ
እናቀርባለን፡፡
ጤና ሚኒስቴር

 

የሃይማኖት አባቶች በኮሮና ቫይረስ ላይ የጥንቃቄ ጥሪ አስተላለፉ

Submitted by admin on Mon, 03/16/2020 - 16:42

የኢትዮጵያ የሀይማኖት ጉባኤ የበላይ ጠባቂ አባቶች ዛሬ ባደረጉት አስቸኳይ የጋራ መግለጫ ወቅታዊ እና አለም አቀፋዊ ስጋት በሆነው የኮሮና ቫይረስን አስመልክቶ ለመላው ኢትዮጵያውያን የጥንቃቄ ጥሪ አስተላለፉ፡፡

የሀይማኖት ተቋማት ጉባኤ የበላይ ጠባቂ አባቶች ባስተላለፉት መልእክት የኮሮና ቫይረስ በፍጥነት የሚዛመት መሆኑ አሳሳቢ ቢሆንም አስፈላጊውን የንፅህናና የህክምና ክትትል ማድረግ ከተቻለ በቀላሉ በሽታውን መከላከልና መፈውስ ይቻላል ያሉ ሲሆን ቫይረሱ በንክኪ ከሰው ወደ ሰው የሚተላለፍ መሆኑን ጠቅሰው በሀገራችን ያለው የአኗኗር ዘይቤ ለዚህ አይነቱ በሽታ ምቹ እንደሚሆን ተገንዝበን ጥንቃቄ ማድረግ ይገባናል ብለዋል፡፡

አባቶች ለሁሉም የማህበረሰብ ክፍል መልክት አስተላልፈዋል፡፡ ምዕመናን እንደየዕምነታችው ለፈጣሪ በማደርና በሙሉ ልብ ንስሀ በመግባት ፈጣሪን እንዲለምኑና በየቤተ-እምነት በሚደረገው የአምልኮ ስነ-ስርአት ይሁን በማንኛውም ማህበራዊ ግንኙነት አስፈላጊውን ጥንቃቄ እንዲያደርጉ አሳስበዋል፡፡

ETHIOPIA CONFIRMED THE FIRST CASE OF COVID-19

Submitted by dawit.berhanu on Fri, 03/13/2020 - 15:13

Ethiopian Public Health Institute has confirmed the positive test in Ethiopia for COVID-19. The person found positive is a 48-year-old Japanese citizen who came to Ethiopia on March four, 2020 from Burkina Faso. Ethiopia has put in place a disease surveillance program since the outbreak of COVID-19 in China, and it has now identified the first positive case in the country. The patient is currently isolated at our facility. He is undergoing medical follow up and is in a stable condition. Those who have been in contact with this person are being traced and quarantined.